Federiko Kyezaning agenti «Chelsi» va «Tottenxem» bilan muzokaralar olib bordi.

"Corriere Dello Sport" xabariga ko‘ra, yarim himoyachi vakili Fali Ramadani dam olish kunlari Londonda bo‘lib, «Chelsi» va «Tottenxem» bilan muzokaralar olib bordi, chunki Londonning ikkala jamoasi ham o‘z tarkibini kuchaytirishga intilmoqda.

Oldinroq «Yuventus»ning 26 yoshli futbolchisi 30-35 million yevro evaziga «Tottenxem»ga o‘tishga yaqin ekani haqida xabar berilgandi. Futbolchiga «Roma» va «Napoli» klublari ham qiziqish bildirishgan, ammo Italiya klublari boshqa transfer maqsadlariga o‘tishgan.

O‘tgan mavsumda Kyeza 37 ta o‘yinda maydonga tushib, 10 ta gol urdi va 3 ta golga assistentlik qildi.