Федерико Кьезанинг агенти «Челси» ва «Тоттенхэм» билан музокаралар олиб борди.

"Corriere Dello Sport" хабарига кўра, ярим ҳимоячи вакили Фали Рамадани дам олиш кунлари Лондонда бўлиб, «Челси» ва «Тоттенхэм» билан музокаралар олиб борди, чунки Лондоннинг иккала жамоаси ҳам ўз таркибини кучайтиришга интилмоқда.

Олдинроқ «Ювентус»нинг 26 ёшли футболчиси 30-35 миллион евро эвазига «Тоттенхэм»га ўтишга яқин экани ҳақида хабар берилганди. Футболчига «Рома» ва «Наполи» клублари ҳам қизиқиш билдиришган, аммо Италия клублари бошқа трансфер мақсадларига ўтишган.

Ўтган мавсумда Кьеза 37 та ўйинда майдонга тушиб, 10 та гол урди ва 3 та голга ассистентлик қилди.