Fabio Mirettining oyoq suyagi singan va u kamida 2 hafta maydonga tusha olmaydi.
Avvalroq Turin klubi italiyalik yarim himoyachi bilan shartnomani 2028 yilgacha uzaytirgandi.
Fabio Miretti o‘tgan hafta mavsumoldi mashg‘ulotlari doirasida "Yuventus" bilan Germaniyaga yo‘l oldi. Yarim himoyachi “Nyurnberg”ga qarshi o‘rtoqlik o‘yinida ishtirok etdi. Bahs “Yuve”ning 0:3 hisobida mag‘lubiyati bilan yakunlandi.
O‘yindan so‘ng Miretti tibbiy ko‘rikdan o‘tdi, natijada oyog‘ining sinishi aniqlandi. Futbolchi 15 kundan so‘ng yangi ko‘rikdan o‘tishi kerak, bu vaqt ichida u mashg‘ulotlarda qatnashmaydi.
