Фабио Миреттининг оёқ суяги синган ва у камида 2 ҳафта майдонга туша олмайди.
Аввалроқ Турин клуби италиялик ярим ҳимоячи билан шартномани 2028 йилгача узайтирганди.
Фабио Миретти ўтган ҳафта мавсумолди машғулотлари доирасида "Ювентус" билан Германияга йўл олди. Ярим ҳимоячи “Нюрнберг”га қарши ўртоқлик ўйинида иштирок этди. Баҳс “Юве”нинг 0:3 ҳисобида мағлубияти билан якунланди.
Ўйиндан сўнг Миретти тиббий кўрикдан ўтди, натижада оёғининг синиши аниқланди. Футболчи 15 кундан сўнг янги кўрикдан ўтиши керак, бу вақт ичида у машғулотларда қатнашмайди.
