Madridning "Real" klubi bosh murabbiyi Karlo Anchelotti jamoaning ta’tildagi futbolchilari qachon safga qaytishini aytdi.
“Biz mavsumoldi tayyorgarlik jarayonida juda yaxshi ishlayapmiz, chunki bizning ixtiyorimizda o‘tgan mavsumdan farqli o‘laroq, futbolchilarimiz yaxshi holatda. Yangi mavsumda ular allaqachon o‘ynashga tayyor.
7 avgust kuni barcha futbolchilarni ixtiyorimizda bo‘lamiz.
Hozir biz akademiyamizdagi yosh futbolchilarni baholayapmiz, bu ular uchun muhim lahza. Barcha kanteranolar ajoyib jismoniy shaklda. Men akademiya futbolchilari bilan ishlashni yaxshi ko‘raman, ularni katta kelajak kutmoqda. "Milan" bilan o‘yin bizning kanteranochilarning o‘yini bo‘ladi", - dedi italiyalik mutaxassis.
