Yozgi transfer oynasida "Real Madrid" Kilian Mbappeni o‘z safiga qo‘shib oldi. Endilikda futbol muxlislarini Karlo Anchelotti yulduz hujumchidan qanday foydalanishi juda qiziqtirmoqda. Matbuot anjumanida italiyalik bu borada fikr bildirdi.
"Menimcha, biz 4-3-3 yoki 4-4-2 tizimidan foydalanishimiz mumkin. Bu muhim emas, chunki biz o‘tgan mavsumda ham xuddi shunday qilganmiz. Bizda boshqacha o‘ynash uchun barcha resurslar bor", - dedi Anchelotti jurnalistlarga.
Avvalroq matbuotda Kilian Mbappe kelishi bilan Jud Bellingemning pozisiyasi o‘zgarishi, angliyalik biroz pastroq harakat qilishi haqida ma’lumotlar paydo bo‘lgandi.
