Ёзги трансфер ойнасида "Реал Мадрид" Килиан Мбаппени ўз сафига қўшиб олди. Эндиликда футбол мухлисларини Карло Анчелотти юлдуз ҳужумчидан қандай фойдаланиши жуда қизиқтирмоқда. Матбуот анжуманида италиялик бу борада фикр билдирди.

"Менимча, биз 4-3-3 ёки 4-4-2 тизимидан фойдаланишимиз мумкин. Бу муҳим эмас, чунки биз ўтган мавсумда ҳам худди шундай қилганмиз. Бизда бошқача ўйнаш учун барча ресурслар бор", - деди Анчелотти журналистларга.

Аввалроқ матбуотда Килиан Мбаппе келиши билан Жуд Беллингемнинг позицияси ўзгариши, англиялик бироз пастроқ ҳаракат қилиши ҳақида маълумотлар пайдо бўлганди.