Isroil razvedka xizmatlari Tehronda Xamas Siyosiy byurosi rahbari Ismoil Haniya va Bayrutda Hizbullohning yuqori martabali rahbari Fuad Shukr o‘ldirilganidan keyin Parijdagi Olimpiya o‘yinlarida mamlakat sportchilari xavfsizligini kuchaytiradi, deb xabar bermoqda Isroilning Ynet portali.
Isroil razvedkasi vakillari Isroil delegasiyasi a’zolari qasos olish nishoniga aylanib qolishidan qo‘rqishgan.
Olimpiadaning dastlabki kunlaridanoq Isroil razvedka xizmatlari va Fransiya maxsus kuchlari antisemitizm kayfiyati tufayli Isroil termasini yaqindan qo‘riqlab kelmoqda. Xamas va Hizbulloh yetakchilari o‘ldirilishidan oldin ham isroillik sportchilar ijtimoiy tarmoqlarda nafrat bilan tahdidlar ostida qolayotgani xabar qilingan edi.
