"Manchester Siti" bosh murabbiyi Pep Gvardiola darvozabon Edersonning jamoani tark etishi mumkinligi haqida gapirdi. Mish-mishlar 30 yoshli braziliyalikning Saudiya Arabistoniga o‘tishi bilan bog‘lanishda davom etmoqda. Gvardiola omma oldida Edersondan kelajagi haqida tezda qaror qabul qilishni so‘radi.
"Men Edersonning kelajagini imkon qadar tezroq hal qilishini istardim. Umid qilamanki, u biz bilan qoladi. U menga yoqadigan va kerak bo‘lgan odam. Ammo agar u ketsa, yuragimdagi og‘riq bilan buni tushunaman", - deya Gvardiolaning so‘zlarini keltiradi jurnalist Fred Kaldeyra.
Nufuzli Transfermarkt portali Edersonni 35 million yevroga baholamoqda.
