"Манчестер Сити" бош мураббийи Пеп Гвардиола дарвозабон Эдерсоннинг жамоани тарк этиши мумкинлиги ҳақида гапирди. Миш-мишлар 30 ёшли бразилияликнинг Саудия Арабистонига ўтиши билан боғланишда давом этмоқда. Гвардиола омма олдида Эдерсондан келажаги ҳақида тезда қарор қабул қилишни сўради.
"Мен Эдерсоннинг келажагини имкон қадар тезроқ ҳал қилишини истардим. Умид қиламанки, у биз билан қолади. У менга ёқадиган ва керак бўлган одам. Аммо агар у кетса, юрагимдаги оғриқ билан буни тушунаман", - дея Гвардиоланинг сўзларини келтиради журналист Фред Кальдейра.
Нуфузли Transfermarkt портали Эдерсонни 35 миллион еврога баҳоламоқда.
