Londonning "Arsenal" klubi "Real Sosyedad" va Ispaniya terma jamoasi yarim himoyachisi Mikel Merinoni 30 million yevro + bonuslar evaziga transfer qilish bo‘yicha kelishuvni yakunlashga yaqin turibdi.

Manbaga ko‘ra, "kanonirlar" va Merino o‘rtasida og‘zaki kelishuvga erishilgan, futbolchi Londonga ko‘chib o‘tishdan manfaatdor. Klublar o‘rtasidagi muzokaralar davom etayotgani xabar qilingan.

O‘tgan mavsumda yarim himoyachi klub va terma jamoa safida barcha turnirlarda 58 ta o‘yinda qatnashib, 10 ta gol va 6 ta golli uzatmaga mualliflik qilgan.