Лондоннинг "Арсенал" клуби "Реал Сосьедад" ва Испания терма жамоаси ярим ҳимоячиси Микель Меринони 30 миллион евро + бонуслар эвазига трансфер қилиш бўйича келишувни якунлашга яқин турибди.
Манбага кўра, "канонирлар" ва Мерино ўртасида оғзаки келишувга эришилган, футболчи Лондонга кўчиб ўтишдан манфаатдор. Клублар ўртасидаги музокаралар давом этаётгани хабар қилинган.
Ўтган мавсумда ярим ҳимоячи клуб ва терма жамоа сафида барча турнирларда 58 та ўйинда қатнашиб, 10 та гол ва 6 та голли узатмага муаллифлик қилган.
