"Manchester Siti"ning hujumkor yarim himoyachisi Fil Fodenni qo‘shnilari unchalik yoqtirmaydi. Foden yarim tungacha baland ovozda ziyofat uyushtirishni yaxshi ko‘radi. Goal portalining The Sun nashriga tayanib xabar berishicha, futbolchi vaqti-vaqti bilan qo‘shnilari uchun "do‘zax" yaratadi.

Qo‘shni uylarning aholisi nafaqat baland ovozli musiqani, balki itning doimiy hurishini ham yoqtirmaydi. Manbaning ta’kidlashicha, polisiya aholining shikoyatlaridan so‘ng Fodenning uyiga kelgan.

Fil Foden ayni damda dam olmoqda - futbolchi Yevro-2024da ishtirok etgani uchun "Manchester Siti" qarorgohiga keyinroq yetib boradi.