"Манчестер Сити"нинг ҳужумкор ярим ҳимоячиси Фил Фоденни қўшнилари унчалик ёқтирмайди. Фоден ярим тунгача баланд овозда зиёфат уюштиришни яхши кўради. Goal порталининг The Sun нашрига таяниб хабар беришича, футболчи вақти-вақти билан қўшнилари учун "дўзах" яратади.
Қўшни уйларнинг аҳолиси нафақат баланд овозли мусиқани, балки итнинг доимий ҳуришини ҳам ёқтирмайди. Манбанинг таъкидлашича, полиция аҳолининг шикоятларидан сўнг Фоденнинг уйига келган.
Фил Фоден айни дамда дам олмоқда - футболчи Евро-2024да иштирок этгани учун "Манчестер Сити" қароргоҳига кейинроқ етиб боради.
