Yarim himoyachi Kevin De Bryuyne yozgi transfer oynasida "Manchester Siti"ni tark etib, "Al-Ittihod"ga o‘tmaydi. Jurnalist Rudi Galettining ijtimoiy tarmoqlarda xabar berishicha, Saudiya klubi belgiyalik uchun kurashdan voz kechishga qaror qilgan. Sababi, "Al-Ittihod" "Manchester Siti"ning talablarini juda yuqori deb hisoblaydi, ayniqsa De Bryuynening shartnomasi bir yildan keyin tugashini hisobga olgan holda.

Avvalroq, 33 yoshli de Bryuyne Saudiya Arabistoniga ko‘chib o‘tmoqchi bo‘lganini tan olgan va bu mamlakatda yaxshi pul ishlab olishi mumkinligini ta’kidlagan edi. Belgiyalik futbolchi "Manchester Siti"da 2015 yilning avgust oyi oxiridan beri to‘p tepmoqda.