Karim Adeyemining "Yuventus"ga o‘tishi amalga oshmay qolishi mumkin.
Insayder Fabrisio Romano xabariga ko‘ra, 22 yoshli vingerning turinliklar klubiga o‘tishi hozircha ko‘rib chiqilmayapti.
Dortmundning "Borussiya" klubi Adeyemini saqlab qolmoqchi va faqat katta taklif vaziyatni o‘zgartirishi mumkin. Shu bilan birga, “Yuventus” futbolchi uchun hech qachon rasmiy taklif yubormagani qayd etilgan.
O‘tgan mavsumda nemis futbolchisi Bundesligada 21 ta o‘yinda maydonga tushib, 3 ta gol urdi va 1 ta golli uzatmani amalga oshirdi.
