Dortmundning "Borussiya" klubi yangi futbolchisi Paskal Gross nemis top-klubiga o‘tishi haqida fikr bildirdi.
Eslatib o‘tamiz, avvalroq Paskal faoliyatining so‘nggi yetti yilida "Brayton" safida Premyer-ligada o‘ynagan.
"Borussiya" futbolchisi bo‘lganimdan xursandman. Bu klub bilan shartnoma imzolash men uchun katta voqelik, bolaligimdan dortmundlik muxlisman.
O‘z o‘yinimni o‘tkazib, klub ishonchini oqlashga harakat qilaman va yangi jamoadoshlarim bilan birga muxlislar qarshisida o‘ynashni intiqlik bilan kutaman.
Shuningdek, ulug‘vor maqsadlarimizga erishish uchun bu yerda hamma bilan astoydil ishlash kerak", - deya Grossning so‘zlarini keltiradi klub matbuot xizmati.
