"Manchester Yunayted"ning hujumkor yarim himoyachisi Meyson Maunt jamoaning keyingi mavsumdagi ambisiyalari haqida gapirdi.
"Biz jamoa sifatida nimalarga qodir ekanimizni bilamiz va o‘ylaymanki, biz buni o‘tgan mavsum oxirida ko‘rsatdik. Albatta, bizda sovrinlarni yuta oladigan tarkib bor va bu eng muhimi. Biz buni amalga oshirishda davom etamiz va diqqatimizni shu maqsad sari intilamiz, chunki bu "Manchester Yunayted".
Biz "planka"ni iloji boricha yuqoriga ko‘tarishimiz kerak va biz uning qanchalik baland ekanligini bilamiz. Endi buni maydonda ko‘rsatish vaqti keldi. Ammo biz bunga tayyormiz - ko‘proq sovrinlar yutish, ko‘proq o‘yinlarda g‘alaba qozonish. Bu jamoamizning maqsadi. Biz, albatta, bir to‘lqindamiz" - dedi Maunt.
O‘tgan mavsumda yarim himoyachi 20 uchrashuvda 1 ta gol urdi va 1 ta golli uzatmani amalga oshirdi.
