Olimpiada o‘yinlarida 63,5 kg vazn toifasida jang qiluvchi qozog‘istonlik sportchi Muhammedsabir Bazarbayuli gruziyalik bokschi Lashi Guruli bilan jangda mag‘lubiyatga uchratganidan so‘ng Qozog‘iston Milliy olimpiya qo‘mitasi (MOQ) Parij boks bo‘limiga (PBU) apellyasiya berdi. Ular bahs natijasiga oydinlik kiritishni talab qildi.
“Qozog‘iston MOQ Muhammedsabir Bazarbayulining jangi natijasi bo‘yicha apellyasiya berdi. Biz natijadan rozi emasmiz va XOQni xabardor qilib, PBU'dan tushuntirishni talab qildik. Fikrimizcha, qozog‘istonlik bokschi 2024-yilgi Olimpiada o‘yinlarining yarim finaliga chiqish uchun muhim jangda g‘alaba qozondi.
O‘tgan jang natijasini ko‘rib chiqishning iloji yo‘qligini tushunamiz. Ammo biz eng muhim xalqaro musobaqada qolgan sportchilar uchun hakamlik adolatli va xolis bo‘lishini talab qilamiz”, dedi Qozog‘iston MOQ matbuot kotibi Janar Uteshev.
Avvalroq og‘ir vazn toifasida jang qiluvchi qozog‘istonlik bokschi Kamshibek Konkabayev Parij Olimpiadasi doirasida nimchorak final jangida ispaniyalik Ayyub Gadfaga qarshi jangda mag‘lub bo‘lib, musobaqani tark etgan edi.
