Олимпиада ўйинларида 63,5 кг вазн тоифасида жанг қилувчи қозоғистонлик спортчи Муҳаммедсабир Базарбаюли грузиялик боксчи Лаши Гурули билан жангда мағлубиятга учратганидан сўнг Қозоғистон Миллий олимпия қўмитаси (МОҚ) Париж бокс бўлимига (PBU) апелляция берди. Улар баҳс натижасига ойдинлик киритишни талаб қилди.
“Қозоғистон МОҚ Муҳаммедсабир Базарбаюлининг жанги натижаси бўйича апелляция берди. Биз натижадан рози эмасмиз ва ХОҚни хабардор қилиб, PBU'дан тушунтиришни талаб қилдик. Фикримизча, қозоғистонлик боксчи 2024-йилги Олимпиада ўйинларининг ярим финалига чиқиш учун муҳим жангда ғалаба қозонди.
Ўтган жанг натижасини кўриб чиқишнинг иложи йўқлигини тушунамиз. Аммо биз энг муҳим халқаро мусобақада қолган спортчилар учун ҳакамлик адолатли ва холис бўлишини талаб қиламиз”, деди Қозоғистон МОҚ матбуот котиби Жанар Утешев.
Аввалроқ оғир вазн тоифасида жанг қилувчи қозоғистонлик боксчи Камшибек Конкабаев Париж Олимпиадаси доирасида нимчорак финал жангида испаниялик Айюб Гадфага қарши жангда мағлуб бўлиб, мусобақани тарк этган эди.
