Italiyalik Anjela Karini gender testidan o‘ta olmagan qiz tomonidan nokautga uchragach, boksdagi faoliyatini yakunladi.

"Men yutqazmadim, lekin o‘zimdan kuchli insonga taslim bo‘ldim. Endi men boksga “xayr” deyman", dedi 25 yoshli Karini.

Uning so‘zlariga ko‘ra, raqibi yuziga urganidan keyin burnida qattiq og‘riq sezgan, muvozanatni yo‘qotgan va nafas olishda qiynalgan. Uning uchun Parijdagi Olimpiada faoliyatidagi birinchi katta turnir edi.

Karini 64 kg vazn toifasida Xelifga qarshi 1/8 final jangini 46 soniya o‘tkazdi va davom etishdan bosh tortdi. Jangdan so‘ng darhol Karini yig‘lab yubordi va jangni adolatsiz deb atadi.