Fransiyada bo‘lib o‘tayotgan yozgi Olimpiada o‘yinlarining erkaklar o‘rtasidagi futbol turnirida har ikki yarim final juftligi shakllandi.

Juma kuni o‘tkazilgan o‘yin kunining dastlabki ikki uchrashuvida Marokash jamoasi AQSH terma jamoasini (4:0), Ispaniya terma jamoasi esa Yaponiya terma jamoasini (3:0) mag‘lub etdi. Shu tariqa, Marokash va Ispaniya terma jamoalari yarim finalning birinchi juftligida maydonga tushadi.

Keyinroq Misr terma jamoasi durangdan keyin (1:1, 5:4) penaltilar seriyasida Paragvay termasini turnirdan chiqarib yubordi. Kunning so‘nggi uchrashuvida Fransiya terma jamoasi Argentina terma jamoasini ishonchli tarzda mag‘lub etdi (2:0). Yarim finalchilarning ikkinchi juftligi Fransiya – Misr.

Har ikki yarim final o‘yini 5 avgust, dushanba kuni bo‘lib o‘tadi.