Францияда бўлиб ўтаётган ёзги Олимпиада ўйинларининг эркаклар ўртасидаги футбол турнирида ҳар икки ярим финал жуфтлиги шаклланди.

Жума куни ўтказилган ўйин кунининг дастлабки икки учрашувида Марокаш жамоаси АҚШ терма жамоасини (4:0), Испания терма жамоаси эса Япония терма жамоасини (3:0) мағлуб этди. Шу тариқа, Марокаш ва Испания терма жамоалари ярим финалнинг биринчи жуфтлигида майдонга тушади.

Кейинроқ Миср терма жамоаси дурангдан кейин (1:1, 5:4) пенальтилар сериясида Парагвай термасини турнирдан чиқариб юборди. Куннинг сўнгги учрашувида Франция терма жамоаси Аргентина терма жамоасини ишончли тарзда мағлуб этди (2:0). Ярим финалчиларнинг иккинчи жуфтлиги Франция – Миср.

Ҳар икки ярим финал ўйини 5 август, душанба куни бўлиб ўтади.