«Liverpul» «Sautgempton»ning 21 yoshli hujumkor yarim himoyachi Fabio Karvalyu uchun 15 million funt (17,5 million yevro) taklifini rad etdi. Bu haqda jurnalist Devid Ornshteyn xabar berdi.

Manbaga ko‘ra, mersisaydliklar portugaliyalik futbolchini sotishga tayyor, ammo ancha qimmatroq narxga. Bundan tashqari, «Liverpul» endi Karvalyuni ijaraga bermoqchi emas.

O‘tgan mavsumda yarim himoyachi «Xall»da ijara asosida o‘ynadi. U barcha musobaqalarda 20 ta uchrashuvda qatnashib, 9 ta gol va ikkita golli uzatmani amalga oshirgan.