Madridning «Atletiko» muxlislari jamoasining «Xetafe»ga qarshi o‘rtoqlik uchrashuvida (3:1) portugaliyalik vinger Joau Feliksni haqorat qilishdi. Bu haqda "Relevo" xabar bermoqda.
Manbaga ko‘ra, «matraschilar» muxlislari portugaliyalikning maydondagi har bir harakatiga hushtak va haqoratlar bilan hamrohlik qilishgan. Qayd etilishicha, Feliks stadionni jamoadan alohida shaxsiy mashinasida tark etishga majbur bo‘lgan.
Eslatib o‘tamiz, Feliks o‘rtoqlik o‘yinida madridliklar safida asosiy tarkibda maydonga tushgan va ikkinchi golga mualliflik qilgandi.
