Мадриднинг «Атлетико» мухлислари жамоасининг «Хетафе»га қарши ўртоқлик учрашувида (3:1) португалиялик вингер Жоау Феликсни ҳақорат қилишди. Бу ҳақда "Relevo" хабар бермоқда.
Манбага кўра, «матрасчилар» мухлислари португалияликнинг майдондаги ҳар бир ҳаракатига ҳуштак ва ҳақоратлар билан ҳамроҳлик қилишган. Қайд этилишича, Феликс стадионни жамоадан алоҳида шахсий машинасида тарк этишга мажбур бўлган.
Эслатиб ўтамиз, Феликс ўртоқлик ўйинида мадридликлар сафида асосий таркибда майдонга тушган ва иккинчи голга муаллифлик қилганди.
