Hujumchi Krishtianu Ronaldu ijtimoiy tarmoqlarda yangi post joyladi. Portugaliyalik yulduz “An-Nasr”ga qaytganini ma’lum qildi. Bir nechta suratlarda Ronaldu jamoadoshlarini quchoqlagani aks etgan.
"Qaytganim juda yoqimli", - deb post qoldirdi Krishtianu Ronaldu ijtimoiy tarmoqda.
Xabaringiz bor, 39 yoshli Ronaldu Yevropa chempionatida Portugaliya terma jamoasi safida o‘ynaganidan so‘ng dam oldi. Shu bilan birga, ta’til paytida ham yulduz futbolchi o‘zini formada ushlab turdi. Krishtianu Ronaldu 2023 yil boshidan buyon “An-Nasr” safida o‘ynab kelmoqda. Forvardning amaldagi shartnomasi 2024/2025 yilgi mavsum oxirigacha amal qiladi.
