"Real" posboni Tibo Kurtua "Barselona" bilan o‘rtoqlik uchrashuvini (1:2) sarhisob qildi.

- Ushbu o‘yinda nimalarni qayd etish mumkin?

- Yakunda ancha raqobatbardosh bo‘ldik, imkoniyatlar yaratdik, yaxshi ishladik... Biz hech qachon mag‘lubiyatdan xursand bo‘lmaymiz, ammo o‘yin boshqacha yakunlanishi mumkin edi, hammasini qandaydir tafsilotlar hal qildi. Lekin hozir mavsumoldi, biz yaxshi ishlashda davom etmoqdamiz va so‘nggi 20 daqiqada ko‘plab yigitlar maydonga tushishdi, bu juda yaxshi.

- Mavsum oldidagi bunday mag‘lubiyatlar sizni "Barselona"ga qarshi o‘ynaganingiz uchun bezovta qilyaptimi?

- Mavsum oldidan stadionga kelgan muxlislar uchun qiziqarli o‘yinlar o‘tkazamiz. Axir “Real” o‘ynasa, stadionlar to‘lib ketadi.

Ochig‘i, biz "Barselona"ga yutqazishni yoqtirmaymiz. Mavsum oldi bo‘lsa ham, mag‘lub bo‘lishni xohlamaysiz. Lekin yakunda muhimi mavsum davomida nima sodir bo‘lishi. O‘tgan mavsumda Karvaxal aytganidek, vaqt kelganda ko‘ramiz.

Bu aralash o‘yin bo‘lib, unda yosh o‘yinchilar va asosiy jamoada tajribaga ega bo‘lgan futbolchilar ishtirok etdi. Bizda bo‘lgani kabi, ularda ham shunday. Hammasi oddiy", - deydi "Real" darvozaboni.