«Atletiko» «Valensiya» futbolchisi Xavi Gerraga qiziqish bildirmoqda.

Madridliklar futbolchi uchun 25 million yevro va kelajakdagi sotuvlarning ma’lum foizini to‘lashga tayyor. Agar Konor Gallaxerning «Chelsi»dan transferi amalga oshmasa, rasmiy taklif yuboriladi. Ayni damda ispanlar angliyalikdan rozilik olmagani uchun kelishuv shubha ostida.

«Valensiya» o‘z navbatida 21 yoshli yarim himoyachini sotishga tayyor. Biroq klub avvalroq «Jirona»ning 20 million yevrolik belgilangan taklifini rad etgandi. Klub rahbariyati futbolchini sotishdan sezilarli foyda olishdan manfaatdor.

Shuningdek, iyun oyi boshida futbolchiga «Barselona» qiziqayotgani haqida xabar berilgandi.

O‘tgan mavsumda Gerra La Ligada 36 ta o‘yinda maydonga tushib, 4 ta gol urdi va bitta golli uzatmani amalga oshirdi.