Xalqaro boks assosiasiyasi (IBA) tomonidan jazoirlik bokschi Iman Xelif va tayvanlik bokschi Lin Yutingning gender testlari qonuniy asosda olib borilmagan. Bu haqda XOQning kommunikasiya bo‘yicha direktori Mark Adams ma’lum qildi.
"Asosiysi, bu testlar qonuniy emas edi. Haqiqatan ham IBA'dan xat bor edi, men tasdiqlayman, lekin test jarayoni qonuniy emas edi.
Men sportchilarning intim tafsilotlarini muhokama qilmayman, bunday narsalarni axborot maydoniga chiqarish uyat.
Hatto ushbu materialni tarqatish usuli ham har qanday etikaga ziddir. Inson huquqlari tashkilotlari bu ayollar huquqlarining buzilishi ekanligini tasdiqlaydi", - deydi Adams.
Adamsning so‘zlariga ko‘ra, test topshirish jarayonida “konsepsiyaning o‘zidan tortib, ular haqidagi ma’lumotlarni ommaga tarqatishgacha” juda ko‘p qoidabuzarliklar bo‘lgan.
