"Katta dubulg‘a"ning 24 karra g‘olibi serbiyalik tennischi Novak Jokovich 2024 yilgi Olimpiada o‘yinlari finalida g‘alaba qozonganidan so‘ng oilasi bilan uchrashish uchun tribunaga yo‘l oldi.
Final o‘yinida serbiyalik tennischining qizi otasini "Eng zo‘r dada" plakati bilan qo‘llab-quvvatladi.
2024 yilgi Olimpiadadagi oltin uchun bahsda serbiyalik Ispaniya vakili Karlos Alkarasdan kuchliroq edi - 7:6 (7:3), 7:6 (7:2). Bu Jokovichning Olimpiadadagi ilk oltin medalidir. Bungacha u uch marta yarim finalga chiqqan, ammo bu bosqichda doimo mag‘lub bo‘lgan. Alkaras uchun bu uning faoliyatidagi ilk Olimpiada. 2024 yilgi Olimpiadadagi tennis turniri 27 iyuldan 4 avgustga qadar bo‘lib o‘tdi.
Eslatib o‘tamiz, Jokovich “Oltin karera dubulg‘asi”ni qo‘lga kiritgan. U "Katta dubulg‘a" turkumidagi to‘rtta turnirning barchasida va Olimpiada oltinini qo‘lga kiritdi.
