"Катта дубулға"нинг 24 карра ғолиби сербиялик теннисчи Новак Жокович 2024 йилги Олимпиада ўйинлари финалида ғалаба қозонганидан сўнг оиласи билан учрашиш учун трибунага йўл олди.
Финал ўйинида сербиялик теннисчининг қизи отасини "Энг зўр дада" плакати билан қўллаб-қувватлади.
2024 йилги Олимпиададаги олтин учун баҳсда сербиялик Испания вакили Карлос Алкарасдан кучлироқ эди - 7:6 (7:3), 7:6 (7:2). Бу Жоковичнинг Олимпиададаги илк олтин медалидир. Бунгача у уч марта ярим финалга чиққан, аммо бу босқичда доимо мағлуб бўлган. Алкарас учун бу унинг фаолиятидаги илк Олимпиада. 2024 йилги Олимпиададаги теннис турнири 27 июлдан 4 августга қадар бўлиб ўтди.
Эслатиб ўтамиз, Жокович “Олтин карера дубулғаси”ни қўлга киритган. У "Катта дубулға" туркумидаги тўртта турнирнинг барчасида ва Олимпиада олтинини қўлга киритди.
