Insayder Fabrisio Romano Dortmundning "Borussiya" klubi hujumchisi Yusuf Mukokoning kelajagi haqida ma’lumot berdi.
19 yoshli futbolchi o‘zining hozirgi holatidan norozi, shu bois u avvalroq xabar qilinganidek, "asalarilar" safini tark etish niyatida.
Romanoning so‘zlariga ko‘ra, Mukoko "Marsel"ga o‘tish variantini ma’qul ko‘rishini tasdiqlagan. Futbolchi fransuz klubi rahbariyatiga bu kelishuvga juda qiziqayotganini ma’lum qildi.
Provansliklar "Borussiya" bilan sotib olish imkoniyatini o‘z ichiga olgan ijara masalasini muhokama qilishda davom etmoqda.
Vaziyat keyingi bir necha kun ichida aniqroq bo‘lishi kerak.
