Инсайдер Фабрицио Романо Дортмунднинг "Боруссия" клуби ҳужумчиси Юсуф Мукоконинг келажаги ҳақида маълумот берди.
19 ёшли футболчи ўзининг ҳозирги ҳолатидан норози, шу боис у аввалроқ хабар қилинганидек, "асаларилар" сафини тарк этиш ниятида.
Романонинг сўзларига кўра, Мукоко "Марсел"га ўтиш вариантини маъқул кўришини тасдиқлаган. Футболчи француз клуби раҳбариятига бу келишувга жуда қизиқаётганини маълум қилди.
Провансликлар "Боруссия" билан сотиб олиш имкониятини ўз ичига олган ижара масаласини муҳокама қилишда давом этмоқда.
Вазият кейинги бир неча кун ичида аниқроқ бўлиши керак.
