Robert Pires Kilian Mbappening "Real"ga o‘tganini yuqori baholadi. 25 yoshli forvard ushbu mavsum oralig‘ida Madrid klubi futbolchisiga aylandi.

"Mbappe "Real"ga o‘tganidan juda xursandman. Bu La Liga yoki Chempionlar Ligasi bo‘ladimi, chempionlikni qo‘lga kiritish nimani anglatishini biladigan dunyodagi eng katta klub.

U yerda ko‘proq buyuk futbolchilar o‘ynaydi, chunki hamma "Real" bilan shartnoma imzolashni xohlaydi.

Bu Kilian uchun keyingi bosqichga chiqish uchun ajoyib imkoniyat. U "Monako", "PSJ", Fransiya terma jamoasida o‘ynagan, ammo "Real" yuqori saviyadagi.

Keling, u oq futbolkada nimaga erisha olishini ko‘rib chiqaylik. Umid qilamanki, hammasi yaxshi bo‘ladi va u ko‘plab titullarni qo‘lga kiritadi", - deydi Fransiya terma jamoasining sobiq futbolchisi Robert Pires.