"Manchester Yunayted" "PSJ" bilan Manuel Ugarte transferi bo‘yicha muzokaralarni to‘xtatdi.

Oldinroq fransuzlar o‘tgan yozda "Sporting"dan 60 million yevro evaziga sotib olingan futbolchi bilan xayrlashishga tayyor, ammo pul yo‘qotish niyatida emasligi haqida xabar berilgandi.

Jurnalist Devid Ornshteynning so‘zlariga ko‘ra, "Manchester Yunayted" rahbariyati bunday summani to‘lamoqchi emas va Manuel Ugartedan boshqa variantlarga e’tibor qaratmoqda.

Shu bilan birga, mankunianliklar faqat bir holatda – "PSJ" transfer narxini pasaytirsa, kelishuvni muhokama qilishga qaytishga tayyor. Hozircha hech qanday taraqqiyot yo‘q, muzokaralar to‘xtatilgan.

O‘tgan mavsumda urugvaylik futbolchi Liga 1da 25 ta o‘yinda maydonga tushib, 2 ta golli uzatmani amalga oshirgan.