"Манчестер Юнайтед" "ПСЖ" билан Мануэль Угарте трансфери бўйича музокараларни тўхтатди.
Олдинроқ французлар ўтган ёзда "Спортинг"дан 60 миллион евро эвазига сотиб олинган футболчи билан хайрлашишга тайёр, аммо пул йўқотиш ниятида эмаслиги ҳақида хабар берилганди.
Журналист Девид Орнштейннинг сўзларига кўра, "Манчестер Юнайтед" раҳбарияти бундай суммани тўламоқчи эмас ва Мануэль Угартедан бошқа вариантларга эътибор қаратмоқда.
Шу билан бирга, манкунианликлар фақат бир ҳолатда – "ПСЖ" трансфер нархини пасайтирса, келишувни муҳокама қилишга қайтишга тайёр. Ҳозирча ҳеч қандай тараққиёт йўқ, музокаралар тўхтатилган.
Ўтган мавсумда уругвайлик футболчи Лига 1да 25 та ўйинда майдонга тушиб, 2 та голли узатмани амалга оширган.
