"Yuventus" yaqin orada "Nissa" markaziy himoyachisi Jan-Kler Todibo bilan shartnoma imzolaganini e’lon qilishga umid qilmoqda.
A Seriya grandi allaqachon futbolchi bilan 5 yillik shartnoma bo‘yicha kelishib bo‘lgan, biroq transfer hali yakunlangani yo‘q - hammasi "Nissa"ning talablari sabab. Sky Sports xabariga ko‘ra, fransuz klubi 24 yoshli markaziy himoyachini to‘g‘ridan-to‘g‘ri sotishni talab qilmoqda, "Yuventus" esa keyinchalik sotib olish bilan ijaraga olishni afzal ko‘rmoqda. Tomonlar murosa topishga harakat qilmoqda.
Jan-Kler Todiboning transfer narxi 35 million yevroga baholanmoqda.
