"Ювентус" яқин орада "Ницца" марказий ҳимоячиси Жан-Клер Тодибо билан шартнома имзолаганини эълон қилишга умид қилмоқда.

А Серия гранди аллақачон футболчи билан 5 йиллик шартнома бўйича келишиб бўлган, бироқ трансфер ҳали якунлангани йўқ - ҳаммаси "Ницца"нинг талаблари сабаб. Sky Sports хабарига кўра, француз клуби 24 ёшли марказий ҳимоячини тўғридан-тўғри сотишни талаб қилмоқда, "Ювентус" эса кейинчалик сотиб олиш билан ижарага олишни афзал кўрмоқда. Томонлар муроса топишга ҳаракат қилмоқда.

Жан-Клер Тодибонинг трансфер нархи 35 миллион еврога баҳоланмоқда.