Tajribali germaniyalik himoyachi Mats Hummels yozda Dortmundning «Borussiya» klubini tark etgan va haligacha klubsiz qolmoqda. Avvalroq futbolchiga Angliya Premyer-ligasining o‘rta mavqe’ga ega jamoasi «Brayton» qiziqish bildirayotgani haqida xabar berilgandi.
"Sky Germany" portalining aniqlik kiritishicha, «chayqalar»ning Xummelsga qiziqishiga klub bosh murabbiyi, himoyachining hamyurti Fabian Xyurseler sabab bo‘lmoqda.
Darvoqe, «Brayton» Xummels uchun APLdan yagona nomzod emas. Oxirgi mish-mishlarga ko‘ra, nemis futbolchisiga «Vest Xem» ham qiziqish bildirmoqda. Yaqinda «bolg‘achilar» allaqachon o‘z tarkibiga tajribali nemis futbolchisi - hujumchi Niklas Fyullkrugni qo‘shib oldi, u ham yozda «Borussiya»ni tark etdi.
