"Real Sosyedad"ning ispaniyalik yarim himoyachisi Martin Subimendi faoliyatini Angliya chempionatida davom ettirishi mumkin. Jurnalist Matteo Moretto yozganidek, "Liverpul" futbolchini sotib olishga jiddiy qiziqish bildirmoqda.
Manbaga ko‘ra, ingliz klubi futbolchi uchun 60 million yevro tovon puli to‘lashga tayyor. Avvalroq "Real Sosyedad"ning yon berishlari dargumon va futbolchining narxini pasaytirmasligi haqida xabar berilgandi.
O‘tgan mavsumda La Ligada Subimendi 31 o‘yinda maydonga tushib, 4 ta gol urdi va bitta golli uzatmani amalga oshirdi.
