"Реал Сосьедад"нинг испаниялик ярим ҳимоячиси Мартин Субименди фаолиятини Англия чемпионатида давом эттириши мумкин. Журналист Маттео Моретто ёзганидек, "Ливерпуль" футболчини сотиб олишга жиддий қизиқиш билдирмоқда.
Манбага кўра, инглиз клуби футболчи учун 60 миллион евро товон пули тўлашга тайёр. Аввалроқ "Реал Сосьедад"нинг ён беришлари даргумон ва футболчининг нархини пасайтирмаслиги ҳақида хабар берилганди.
Ўтган мавсумда Ла Лигада Субименди 31 ўйинда майдонга тушиб, 4 та гол урди ва битта голли узатмани амалга оширди.