Kataloniyaning “Barselona” klubi hujumchisi Vitor Roke jamoasini tark etishga tayyor.
Jurnalist Toni Xuanmarti xabariga ko‘ra, braziliyalik forvard allaqachon ketishga qaror qilgan. Roke muntazam o‘yin amaliyotiga ega bo‘ladigan jamoaga o‘tmoqchi.
Hujumchining transferiga da’vogarlardan biri Rimning “Lasio” klubi ekani avvalroq xabar qilingandi. 19 yoshli Vitor Italiya jamoasiga o‘tishga tayyor.
Bir yil avval “Barselona” Roke transferi uchun 40 million yevro tovon puli to‘lagandi. Taxminlarga ko‘ra, ayni damda "ko‘k-anorranglilar" rahbariyati futbolchini 30 million yevaziga qo‘yib yuborishga tayyor.
