"Chelsi" yarim himoyachisi Konor Gallaxer allaqachon "Atletiko Madrid"da tibbiy ko‘rikdan o‘tgan. Jurnalist Fabrisio Romanoning ma’lumotlariga ko‘ra, jarayon muvaffaqiyatli o‘tgan.
Manbaning xabar berishicha, ingliz futbolchisi tez orada Diyego Simeone jamoasi bilan 5 yillik shartnoma imzolashi kerak. Eslatib o‘tamiz, avvalroq 24 yoshli yarim himoyachi "Chelsi"da qolib, yangi shartnoma imzolamoqchi bo‘lgan, ammo taklif qilingan shartlar Konorga mos kelmadi.
Gallaxerning Londonning "Chelsi"si bilan shartnomasi tugashiga bir yil qolgan edi, shu bois Enso Mareski jamoasi angliyalikni chegirma bilan 40 million yevro evaziga qo‘yib yuborishga rozi bo‘ldi.
