"Челси" ярим ҳимоячиси Конор Галлахер аллақачон "Атлетико Мадрид"да тиббий кўрикдан ўтган. Журналист Фабрицио Романонинг маълумотларига кўра, жараён муваффақиятли ўтган.
Манбанинг хабар беришича, инглиз футболчиси тез орада Диего Симеоне жамоаси билан 5 йиллик шартнома имзолаши керак. Эслатиб ўтамиз, аввалроқ 24 ёшли ярим ҳимоячи "Челси"да қолиб, янги шартнома имзоламоқчи бўлган, аммо таклиф қилинган шартлар Конорга мос келмади.
Галлахернинг Лондоннинг "Челси"си билан шартномаси тугашига бир йил қолган эди, шу боис Энцо Марески жамоаси англияликни чегирма билан 40 миллион евро эвазига қўйиб юборишга рози бўлди.
