Daniel Ruganining «Yuventus»dan ketishiga deyarli shubha yo‘q, biroq avvalroq u Italiyada qoladi deb taxmin qilingan bo‘lsa, endi boshqa ssenariy yuzaga keldi. Rugani Amsterdamning «Ayaks» klubi futbolchisiga aylanishi mumkin, tegishli muzokaralar qizg‘in davom etmoqda, deya aniqlik kiritmoqda "Sky Italia".

To‘g‘ri, bitimning formati aniq emas - bu sotuv yoki ijara bo‘lishi mumkin. Rugani Turin klubida 3,5 million yevro maosh oladi, ijaraga olingan taqdirda esa, «Ayaks» bu katta maoshning bir qisminigina to‘lashi kerak bo‘ladi, bu holat esa «Yuventus» uchun mutlaqo mos emas.