Даниэль Руганининг «Ювентус»дан кетишига деярли шубҳа йўқ, бироқ аввалроқ у Италияда қолади деб тахмин қилинган бўлса, энди бошқа сценарий юзага келди. Ругани Амстердамнинг «Аякс» клуби футболчисига айланиши мумкин, тегишли музокаралар қизғин давом этмоқда, дея аниқлик киритмоқда "Sky Italia".

Тўғри, битимнинг формати аниқ эмас - бу сотув ёки ижара бўлиши мумкин. Ругани Турин клубида 3,5 миллион евро маош олади, ижарага олинган тақдирда эса, «Аякс» бу катта маошнинг бир қисминигина тўлаши керак бўлади, бу ҳолат эса «Ювентус» учун мутлақо мос эмас.