Efiopiyalik yengil atletikachi va Tokio Olimpiadasi kumush medali sovrindori Lamexa Girma Parij Olimpiadasida 3000 metrga to‘siqlar osha yugurish finalida yiqilib tushdi va marraga yeta olmadi. Bu haqda L'Équipe xabar bermoqda.

Manbaga ko‘ra, efiopiyalik sportchi yetakchilar guruhidan joy olgan, biroq marraga 200 metr qolganda eng oxirgi to‘siqdan yiqilgan.

Ma’lum qilinishicha, sportchini yengil atletika trassasidan zambilda olib chiqishgan. Yuguruvchi hushidan ketib qoldi.

Qayd etilishicha, sportchi “Stad de Frans” tez tibbiy yordam punktiga yetkazilgan va u yerda sportchi o‘ziga kelgan.

Efiopiyalik yuguruvchi Girma 23 yoshda. Sportchi Tokio Olimpiadasining kumush medali sovrindori. Girma uch marta jahon chempionatlarida ikkinchi bo‘ldi. U 3000 metrga to‘siqlar osha yugurish bo‘yicha jahon rekordini qo‘lga kiritgandi – 7:52,11.