Эфиопиялик енгил атлетикачи ва Токио Олимпиадаси кумуш медали совриндори Ламеха Гирма Париж Олимпиадасида 3000 метрга тўсиқлар оша югуриш финалида йиқилиб тушди ва маррага ета олмади. Бу ҳақда L'Équipe хабар бермоқда.

Манбага кўра, эфиопиялик спортчи етакчилар гуруҳидан жой олган, бироқ маррага 200 метр қолганда энг охирги тўсиқдан йиқилган.

Маълум қилинишича, спортчини енгил атлетика трассасидан замбилда олиб чиқишган. Югурувчи ҳушидан кетиб қолди.

Қайд этилишича, спортчи “Стад де Франс” тез тиббий ёрдам пунктига етказилган ва у ерда спортчи ўзига келган.

Эфиопиялик югурувчи Гирма 23 ёшда. Спортчи Токио Олимпиадасининг кумуш медали совриндори. Гирма уч марта жаҳон чемпионатларида иккинчи бўлди. У 3000 метрга тўсиқлар оша югуриш бўйича жаҳон рекордини қўлга киритганди – 7:52,11.