Hasanboy Do‘smatov ikki karra olimpiya o‘yinlari g‘olibiga aylandi. 51 kg. vaznda ishtirok etgan hamyurtimiz finalda fransiyalik Bilol Benzamaga qarshi ajoyib jang qildi.

Vatandoshimiz jang boshidan oxirigacha ajoyib uslub evaziga ustunlikka ega bo‘ldi. Birinchi bo‘limda hakamlarning 3 nafari ustunlikni Hasanboyga bergan bo‘lsa, ikkinchi bo‘limda referilarning 4 nafari o‘zbek bokschisining g‘alabasini qayd etdi. Ammo so‘nggi bo‘lim oldidan Do‘smatov hali g‘alabani kafolatlamagan edi. Yurtdoshimiz uchinchi bo‘limda ham raqibiga nisbatan ustunlik qildi.

Yakuniy baholar e’lon qilindi — 5:0 (30:27, 29:28, 29:28, 29:28, 29:28).

Hasanboy Do‘smatov ilk marta Rio-2016 olimpiadasida chempionlikni qo‘lga kiritgandi.